Бүгүн, Бишкекте Улуттук коопсуздук мамлекеттик комитетине караштуу бала бакчанын имаратынын пайдубалына мезгил кутусун салуу аземи болуп өттү. Бул тууралуу УКМКдан билдирди.
Иш-чарага УКМКнын төрагасы генерал-лейтенант Жумгалбек Шабданбеков жана Курулуш, архитектура жана турак жай — коммуналдык чарба министри Нурдан Орунтаев катышты.
Жаңы бала бакча УКМКнын жана башка укук коргоо органдарынын кызматкерлеринин, ошондой эле муниципалдык жана мамлекеттик кызматкерлердин балдарына ыңгайлуу жана коопсуз мектепке чейинки билим берүү шарттарын камсыз кылуу үчүн түзүлгөн. Мында мекеменин эшиги заманбап билим берүү мейкиндигинде сапаттуу тарбия жана билим алууну каалаган бардык балдар үчүн ачык. Бул ар түрдүү мамлекеттик түзүмдөрдүн балдарынын ортосунда достук мамилелерди өнүктүрүүгө жана социалдык интеграцияга өбөлгө түзөт.
