13–14-апрель күндөрү Бишкек шаарындагы «Жаштык» аренасында чоңдор арасында «Алыш» бел боо күрөшү боюнча Азия чемпионаты өтөт.
Мелдешти Улуттук спорт түрлөрү боюнча дирекция Дүйнөлүк «Алыш» бел боо күрөшү федерациясы менен биргеликте уюштурууда.
Чемпионатка Азия өлкөлөрүнүн алдыңкы спортчулары катышары күтүлүүдө. Атап айтканда, Кыргызстан, Казакстан, Өзбекстан, Тажикстан, Түркмөнстан, Индия, Кытай жана башка өлкөлөрдүн курама командалары катышат. Мындай деңгээлдеги мелдеш улуттук спорт түрлөрүн өнүктүрүүгө жана жайылтууга, ошондой эле эл аралык спорттук кызматташууну чыңдоого өбөлгө түзөт.
«Алыш» бел боо күрөшү көчмөн элдердин эң байыркы жекеме-жеке түрлөрүнүн бири болуп саналат жана бүгүнкү күндө эл аралык мелдештерде маанилүү орунду ээлейт. Уюштуруучулар борбор калаанын тургундарын жана конокторун чемпионатка келип, спортчуларды колдоого чакырат. Кирүү акысыз.
Посмотреть эту публикацию в Instagram
