Бишкек шаарындагы Жал кичи районунда эки кызы менен 6-кабаттан кулап түшкөн келиндин жолдошу эки айга камакка алынды.
Бишкек шаардык сотунан билдиришкендей, 6-апрелде Ленин райондук сотунун чечими менен А. М. А. аттуу жаран 4-июнга чейин камакка алынды.
Эске салсак, 4-апрелде Бишкек шаарындагы Жал кичи районунда аял киши эки кызы менен 6-кабаттан кулап түшкөнү маалымдалган.
Бишкек шаардык милициясынын маалыматына ылайык, 27 жаштагы Э.А. алган жаракаттарынан улам дароо каза тапкан. Ошондой эле анын 1 жаштагы кызы К.А. ооруканада чарчаган. Ал эми 5 жаштагы кызы Ж.А. жандандыруу бөлүмүнө түшкөн.
Бул окуяга боюнча тергөө иштери башталып, өз жанын кыюуга жеткирүү фактысы аныкталган. Ага ылайык, Кылмыш жана жаза кодексинин (өз жанын кыюуга жеткирүү) 128-беренеси менен кылмыш иши козголгон.
34 жаштагы М.А. кылмышка шектүү деп табылып, убактылуу кармоочу жайга киргизилген.
