“Кыргызавтожол-Түндүк” мамлекеттик ишканасына караштуу Жол тейлөө ишканаларынын филиалдарынын кызматкерлери үчүн кыска мөөнөттүү окуу курстары өткөрүлдү.
Окуу министр Талантбек Солтобаевдин тапшырмасынын негизинде уюштурулуп, жол тармагындагы адистердин квалификациясын жогорулатууга багытталды.
Окутуунун жүрүшүндө катышуучуларга жол куруу жана тейлөө иштериндеги заманбап ыкмалар, коопсуздук талаптары, ошондой эле өндүрүштүк процесстерди натыйжалуу уюштуруу боюнча маалыматтар берилди.
Мындан тышкары, практикалык тажрыйбалар менен бөлүшүү мүмкүнчүлүгү түзүлдү.
Мындай окуулар кызматкерлердин кесиптик деңгээлин жогорулатып, жол тармагындагы иштердин сапатын арттырууга өбөлгө түзөт.
