Максат Тентимишов Кыргызстандын Екатеринбургдагы башкы консулу кызматынан бошотулду. Бул тууралуу Тышкы иштер министрлигинин сайтына жарыяланды.
«Кабыл алынган чечимге ылайык, Тентимишов Максат Ишенбекович Кыргыз Республикасынын Екатеринбург шаарындагы Башкы консулу кызматынан бошотулду», — деп жазылат маалыматта.
Эске салсак, Максат Тентимишов КРнын башкы консулу постуна 2024-жылдын 3-июнунда президенттин жарлыгы менен дайындалган. Документте ал Пермь крайы, Россия Федерациясынын Свердлов, Челябинск, Курган жана Тюмень облустарынын аймактарын камтыган консулдук округу менен Кыргыз Республикасынын Екатеринбург шаарындагы Башкы консулу болуп дайындалганы белгиленген.
