Шаршембиде өлкөнүн көпчүлүк аймактарында, Баткен облусунун тоо этектеринде жана тоолуу райондорунда өткүн өтүп, күн күркүрөшү ыктымал. Бул тууралуу Кыргыз гидрометеорология кызматы билдирди.
Ал эми түнү Жалал-Абад, Ысык-Көл облустарынын көпчүлүк аймактарында жаан жаап, күн күркүрөп, айрым жерлерде нөшөр төгөт. Батыштан соккон шамалдын ылдамдыгы айрым жерлерде секундасына 15-20 метрге жетет.
Абанын температурасы Чүй өрөөнүндө +30…+32, Ош, Жалал-Абад облустарында +31…+36, Баткен аймагында +30…+35, Талас чөлкөмүндө +26…+31, Ысык-Көлдө +23…+28, Нарын дубанында +22…+27 градус ысыйт.
Термометр Бишкекте +35…+37, Ошто +31…+33, ал эми Чолпон-Атада +24…+26 градусту көрсөтөт.
