Корумду чокусунда дайынсыз болгон альпинисттердин чатырлары табылды. Бул тууралуу ӨКМ билдирди.
Маалым болгондой, бүгүн Алай районундагы Корумду чокусуна чыккан, байланышка чыкпай жаткан альпинисттердин чатырларын ӨКМдин куткаруучулары табышты.
Бул тууралуу министрлик саат 11:20га карата маалымат берди.
Издөө иштерин улантуу үчүн Чоң-Алай райондук №88 ӨКБдан 5 куткаруучу, Чек ара кызматынан 5 кызматкер жана Швейцариядан 2 ыктыярчы жөнөп кетти. Кечээ издөө иштерине чыккан ӨКМдин 8 куткаруучусу 5000 метр бийиктикте түнөп калган.
«Дайынсыз болуп жаткан альпинисттердин экөө-Беларустун, бирөө -Литванын жараны. Издөө-куткаруу иштери уланууда»,-деген Эдуард Кубатов.
