Россияда кароосуз каган үч бир тууган Кыргызстанга кайтарылып келинип, атасына өткөрүлүп берилди. Бул тууралуу Ички иштер министрлиги билдирди.
Маалыматка ылайык, жашы жете элек эки эркек жана бир кыз бир туугандар 3-июлда Москвадагы балдар реабилитациялык борборуна ата-энесинин камкордугусуз калган балдар катары жайгаштырылган.
Буга чейин соц. тармактарда Москвада Кыргыз Республикасынын жараны жашы жете элек баласын ооруканага жаткырып, кийин энеси полиция кызматкерлери тарабынан кармалып, өлкөдөн чыгарылгандыгы жана анын өспүрүм баласы кароосуз калгандыгы тууралуу маалымат тараган.
