1-майга карата Баткен облусундагы мамлекеттик чек аранын кыргыз-тажик тилкесиндеги абал туруктуу. Учурда чек ара аймагындагы кырдаал толугу менен көзөмөлгө алынды. Өткөн түнү эч кандай окуя же атышуу катталган жок.
Бул тууралуу Баткен ОИИБнин басма сөз кызматы билдирди.
Милиция кызматкерлери тарабынан посттор орнотулуп, чек ара аймактарынын жергиликтүү калкы менен түшүндүрүү иштери жүргүзүлүүдө.
Көк-Таш, Самаркандек, Арка-1, Арка-2 жана Борбордук айылдарындагы кырдаал турукташып, жергиликтүү тургундардын коопсуздугун камсыз кылуу максатында күч структуралары, коомдук тартипти чыңдап жатышат.
