Бишкекте улуттук Asman Airlines авиакомпаниясы авиация тармагында иштегиси келгендер үчүн ачык эшик күнүн өткөрдү.
Иш-чарага кызыгуу абдан жогору болуп, жалпы 2 миң 500гө жакын анкета келип түшкөн. Алдын ала тандоонун жыйынтыгы менен бетме-бет этапка 250 талапкер чакырылды. Алардын ичинен 80 борт коштоочу жана жерде тейлөө кызматына 20 кызматкер тандалып алынат.
Масштабдуу тандоо авиакомпаниянын өнүгүүсүнүн жаңы баскычына даярдык катары уюштурулду. Компания Airbus учактары менен аба паркын кеңейтип, 2027-жылы эл аралык каттамдарга чыгууну пландап жатат.
Тандалган кызматкерлер улуттук авиакомпаниянын келечектеги эл аралык каттамдарында иштеген команданын курамына кирет.
