«Асман Эйрлайнс» авиакомпаниясы Жарандык авиация күнүнө карата авиация тармагынын кызматкерлерин жана ардагерлерин кесиптик майрамы менен куттуктайт.
«Аймактык авиакаттамдарды өнүктүрүүгө жана өлкө ичинде жарандар үчүн жаңы мүмкүнчүлүктөрдү түзүүгө көрсөткөн колдоосу үчүн президент Садыр Жапаровго өзгөчө ыраазычылык билдиребиз. Авиация тармагынын бардык өкүлдөрүнө коопсуз учууларды, кесиптик ийгиликтерди жана жаңы жетишкендиктерди каалайбыз» — деп айтылат куттуктоосунда.
Белгилүү болгондой, эки жыл ичинде Асман Эйрлайнс өлкөнүн аймактык авиациясын өнүктүрүүгө өз салымын кошуп келүүдө. Бүгүнкү күндө «Аэропорттор Кыргызстан» ААКтын туунду компаниясы катары өлкө ичиндеги 11 аэропортту байланыштырып, жети дубанга каттамдарды аткарып, үч эл аралык багыт боюнча учууларды ишке ашырууда.
