Лейлектеги тажик аскерлери чыгарылып кетти делген маалымат жалган экени айтылды. Бул тууралуу кыргыз-тажик чек арасында жайгашкан Көк-Таш айылынын башчысы Разия Өсөрова билдирди.
Анын айтымында, тажик аскерлери Лейлекке өтчү Төрт-Көчөнү тосуп алышкан.
Буга чейин, Улуттук коопсуздук мамлекеттик комитетинин Чек ара кызматынын саат 12.45ке карата кыргыз-тажик чек ара тилкесинде кырдаал чыңалуу абалында экендигин маалымдаган.
Маалыматка ылайык, Баткен облусунун Лейлек районунун Арка айылында тажик аскер кызматкерлери Кыргыз өлкөсүнүн жарандарынын турак жайларына ок чыгарып жатышат. Айылдын тургундары буга чейин эвакуацияланган.
