Кечээ, 10-майда Таластан Баткенге 3 фура курулуш материалдары менен азык-түлүктөр жөнөтүлдү. Бул тууралуу Талас облусундагы өкүлчүлүктөн билдиришти.
Маалыматка ылайык, Бакай-Ата районунун Май, Өзгөрүш айылынын тургундары 32 тонна цемент чогултушкан.
«20 тонна тилинген тактай, 20 тонналык жүк ташуучу унаага азык-түлүк жүктөлдү. Ал эми өкүлчүлүк тарабынан 1 тонна 200 литр күйүүчү май даярдалды. Биздин элдин ишеничин актап, бизге келген аманат дарегине жетиш үчүн иш алып баруудабыз. Эми чогултуу боюнча иш-чарабызды жыйынтыктап, жалпы элге ыраазычылык билдирүү менен жардам чогултуу боюнча талап болбосо токтотобуз. Ошондой эле кандай учур болбосун, ынтымакта эл, жер үчүн иш алып барууну улантабыз», — деп берилет маалыматта.
