24-июнь күнү Мырза-Ака-Алайкуу жолунда «Хендай Портер» унаасы менен аварияга учурап, сууга түшүп кеткен адамдарды куткарган Кара-Кулжа айылынын тургундарын райондун акими Аман Кенжебаев сыйлады.
Маалыматка караганда, кырсык 24-июнь күнү саат 21:00-22:00 чамасында Ой-Тал айыл аймагынын Асыран бий көпүрөсүндө болгон. Унаа жарга түшүп кеткен. Анда Алайкуу айыл аймагынын Көк-Арт айылынын 5 тургуну болгон. Үчөө ошол жерде каза болуп, 2 адамга Кара-Кулжа айылынын тургундары – Алтынбек Салиев, Алмазбек Акматов, Кутубек Бектурсун уулу биринчи жардам көрсөтүп куткарып калышкан. Район акими аларга ыраазычылык кат жана белектерди тапшырды.
