Жыл башынан бери каржы пирамидасына алданган 906 факт катталган. Бул тууралуу ИИМдин маалымат кызматы кабарлап, коомчулукту алданып калуудан сак болууга чакырат.
Арыз менен кайрылгандардын көпчүлүгү Ысык-Көл облусунан 889 факт, Ош шаарынан 16 учур, Баткенден 1, Таластан 3.
Келип түшкөн 906 арыздын 875и сотко өткөрүлүп, бир иш токтотулган. Алдамчылар тарабынан келтирилген чыгым 34 млн 731 миң 331 сом.
«Эгер сизге да кимдир бирөө оңой жол менен чоң суммада каражат табуу жолун сунуштаса, ишенбеңиз! Адатта каржы пирамидасында иштегендер манипулятор, психолог болушат жана эмоционалдык атака жасашат. Мындай ишмердүулүккө мыйзам жол бербейт», -деп жазылат маалыматта.
