Жалал-Абад шаарындагы кыргыз-түрк балдар лицейи жергиликтүү бюджетке жыл сайын 600миң сомдон ижара акы төлөй турган болду. Бул тууралуу Жалал-Абад шаардык мэриясынын басма сөз кызматы билдирди.
Маалым болгондой, чечим кечээ, 15-ноябрда Жалал-Абад шаардык кеңешинин кезексиз сессиясында кабыл алынган. Ага ылайык, лицейдин жетекчилигине кошумча курулуп жаткан имаратты эки жыл аралыгында бүткөрүү милдеттендирилип, эки жылдан соң ижара акысы кайра каралат.
Белгилей кетсек, шаардагы «Курманбек Баатыр» атындагы кыргыз-түрк балдар лицейи буга чейин 25268.0 чарчы метрди түзгөн муниципалдык жер аянтын имараты менен акысыз пайдаланып келген.
