Баткен облустук ички иштер башкармалыгынын жетекчисинин коомдук коопсуздук боюнча орун басары Аскарали Мухамадиев 47 жашында дүйнө салды. Бул тууралуу Баткен ОИИБден билдиришти.
Аскарали Мухамадиев 1974-жылы 20-апрель күнү Баткен районунун Достук айылында төрөлгөн. Ал Кыргыз Республикасынын ички иштер органдарына 26 жашында 2000-жылы кабыл алынып, үзүрлүү эмгектенип келген.
Аскарали Мухамадиев Кыргыз Республикасынын президентинин, Кыргыз Республикасынын ИИМинин сыйлыктары менен сыйланган.
7-каналдын жамааты Аскарали Жунусовичтин бир туугандарына, жакындарына терең кайгыруу менен көңүл айтып, аза кайгысын тең бөлүшөт.
