Ош шаарындагы улуттук драма театрынын айланасындагы аянтчага 19 төө, кербенчи, тайгандар жана жылкылардан турган кербен орнотулду. Маалыматты Ош мэриясы тастыктады.
Кербен туризмди өнүктүрүү, Улуу Жибек Жолунун брендин жайылтуу боюнча шаардык программага ылайык калаа тургундары жана коноктору көп келүүчү жайга коюлду.
Ош шаарын туристтик чөлкөмгө айлантуу жараянына ылайык, кербен Улуу Жибек Жолунун провайдери катары шаардын негизги туристтик объектилеринин бири болот.
Бул инсталляциялар көрктөндүрүү жана жашылдандыруу чарба комбинаты тарабынан орнотулду. Алдыда аймакты оңдоп-түзөө, жашылдандыруу жана көрктөндүрүү иштери жүргүзүлөт.
