9-июлда түнкүсүн Ысык-Көл, Нарын облустарынын тоолорунда өткүн өтүп, күн күркүрөйт, калган аймактарда жаан-чачын жаабайт. Күндүз Ысык-Көл облусунун көпчүлүк аймактарында, Нарын облусунун кээ бир райондорунда, Чүй, Талас, Ош, Баткен облустарынын тоо этектеринде жана тоолуу аймактарында өткүн өтүп, күн күркүрөйт, Чүй, Талас, Ош, Баткен облустарынын өрөөндөрүндө аймактарында жана Жалал-Абад облусунда жаан-чачын жаабайт. Батыш тараптан келген шамалдын ылдамдыгы секундасына 4-9 метрге, күндүз кээ бир райондордо 15-20 метрге жетет.
Абанын температурасы:
Чүй облусунда түнкүсүн 14…19, күндүз 26…31;
Талас жергесинде түнкүсүн 11…16, күндүз 25…30;
Баткен, Ош, Жалал-Абад дубандарында түнкүсүн 17…22, күндүз 28…33;
Ысык-Көл облусунда түнкүсүн 13…18, күндүз 22…27;
Нарын облусунда түнкүсүн 10…15, күндүз 23…28;
Бийик тоолордо түнкүсүн 0…5, күндүз 12…17 градус.
Бишкекте жаан-чачын жаабайт. Абанын температурасы түнкүсүн 17…19, күндүз 28…30 градус болот.
