Бишкекте сода борбордун жанында аял кишини уят сөздөр менен сөгүп, сабап салган киши кармалды. Бул тууралуу Ленин РИИБдин басма сөз кызматы билдирди.
Маалыматка ылайык, 21-сентябрда саат 17:00 чамасында милицияга Фучик көчөсүнүн жээгинде жайгашкан соода борборунун жанында аялды сабап жаткандыгы тууралуу маалымат келип түшкөн. Белгисиз киши менен аял урушуп, киши аялдын денесине залал келтирген.
Бул факты Бишкек шаарынын Ленин райондук ички иштер башкармалыгына катталып, тергөөгө чейинки текшерүү иштери башталган.
Текшерүү учурунда, ошол эле күнү шектүү катары 1972-жылы туулган М.Г. аттуу жаран кармалып, убактылуу кармоочу жайына киргизилген.
Аталган факты боюнча Кылмыш-жаза кодексинин 280-беренесинин 2-бөлүгү (Бейбаштык) боюнча кылмыш ишин козгоо чечими чыгарылып, тиешелүү экспертизалар дайындалды.
Учурда тергөө иштери уланууда.
