Бишкекте мыйзамсыз орнотулган соода түйүндөрү алынды. Бул тууралуу муниципалитеттен билдиришти.
Маалыматка караганда, Октябрь райондук акимчилигинин, шаарды көрктөндүрүү жана жер пайдаланууну көзөмөлдөө боюнча муниципалдык инспекциясынын адистери биргеликте рейддерди өткөрүштү.
Рейддин жыйынтыгында Тунгуч кичирайонунда 16 башаламан орнотулган пункт алынып, уруксатсыз орнотулган 2 жеңил объект демонтаждалган, ошондой эле Анкара көчөсүндө мыйзамсыз коюлган жарнама баннерлер алынды.
Протоколдор түзүлүп, жалпысынан 9 миң сом айыппул салынды.
