Бүгүн, парламенттин жыйынында депутат Руслан Жакышов курулуп жаткан көп кабаттуу үйлөрдү көзөмөлгө алып, комиссия түзүлүшү керектигин белгиледи.
«Баш аламан курулуштар боюнча комиссия түздүк элек. Ошол комиссия иштеп чыкса жыйынтыгын бүтүндөй коомчулукка айтып койсо жакшы болот эле. Чындыгына Бишкек шаарында баш аламан курулуштар көбөйүп кетти. Кимдин чөнтөгүндө тыйыны бар болсо каалаган жерге курулуш кылып жатышат. Жаман айтпай жакшы жок дейт. Андыктан ушул маселени карап, мамлекеттик деңгээлде чоң камиссия түзүп, көзөмөлгө алып чыкпасак болбойт. Жер титирөө табигый кырсык болгондуктан кайталанбайт деп эч ким кепилдик бере албайт»,- деди ал.
