Чүй облусттук төрөт үйүндө жаңы төрөлгөн 4 ымыркайга салтанаттуу түрдө туулгандыгы тууралуу күбөлүк берүү аземи болуп өттү. Бул тууралуу Санариптик өнүктүрүү министрлигинен билдиришти.
«Майрамдык маанайда Кыргыз Республикасынын Санариптик өнүктүрүү министрлигине караштуу Калкты каттоо департаментинин кызматкерлери төрөт үйүнө барышып, ымыркайлардан кабар алып, алардын бактылуу ата-энесин ымыркайлардын төрөлүшү менен куттуктап, белектерин беришти. Андан соң, дароо “Балага сүйүнчү” бир жолку жөлөк пул алууга документтер толтурулду», -деп берилет маалыматта.
Белгилей кетсек, 10-февралда Кыргызстанда төрт эм (бир уул жана үч кыз) төрөлүштү. Аларга Айтегин, Самира, Амина жана Алия деген ысым берилди.
Азыркы күндө ымыркайлардын энесинин жана ымыркайлардын абалдары жакшы.
