Түркиядагы жер титирөөдөн жабыркагандарга Өзгөн районуна караштуу Жалпак-Таш айылынын тургундары 1 млн сом акча топтошкон. Бул тууралуу социалдык тармактарда Кубаныч Кантороев аттуу аксакал видео менен бөлүштү.
“1млн сом акчаны Жалпак-Таш айылынын карапйым эли чогултту. Бул айылдын эли жакшы иштердин башатында турган инсандар. Муктаж болгон элге ар дайым жардам берет. Алгандын бергени бер дегендей, Түрк боордошторубуз эгемендүүлүк жылдары бизди колдогон. Бүгүн баштарына мүшкүл иш түшүп турат, жардам беришибиз керек. Алардын жардамын жакшы эле көрдүк. Мамлекет дагы жакшы жардам берип жатат, бирок мамлекетти эле карап тура турган убакыт эмес. Көп түкүрсө көл болот дейт, четте турбайлы”,-деди ал.
Посмотреть эту публикацию в Instagram
