Талас шаарында 2 жигит 12 жаштагы кызды зордуктады деп шектелип жатат. Бул тууралуу облустук милициядан билдиришти.
17-ноябрь күнү милицияга Талас шаарынын 39 жаштагы тургуну арыз менен кайрылган. Арызда аталган күнү саат 22:00 чамасында 12 жаштагы кызы зордукталганын айткан.
«Шаардын 2003-жылы жана 2004-жылы туулган 2 өспүрүм күч колдонуп зордуктап салганын айткан. Бул арыз Талас шаардык ички иштер бөлүмүнүн Кылмыштардын жана жоруктардын бирдиктүү реестрине катталган. Аталган жерге ыкчам тергөө тобу чыгып, сотко чейинки өндүрүш иши башталган. Учурда аталган факты боюнча соттук экспертизалар даярдалып, тергөө иштери жүрүп жатат», — деп билдирет басма сөз кызматынан.
