Сауд Арабияда умра зыяратчыларын ташыган автобус кырсыкка учурап, күйүп кетти. Кыска убакыттын ичинде жалындап кеткен — деп жазышууда чет элдик маалымат каражаттары.
Меккеге бара жаткан автобус Ашер шаарындагы көпүрөгө кирип кетип, кырсыктын кесепетинен 20 адам каза болуп, 29 адам жаракат алган.
Ал жерге тез жардам жана өрт өчүрүүчүлөр жөнөтүлүп, жабыркагандар жакынкы ооруканаларга жеткирилген.
Айрым маалымат каражаттары өз булактарына таянып, кырсыкка учураган автобустун ичиндегилер Йемендик зыяратчылар экендигин жазышууда.
