Кулуңду айыл аймагындагы Сада участкасында жана Максат айылдарында кылмыштуулукту алдын алуу иштери жүрүп жатат. Бул тууралуу Баткен ОИИБден билдиришти.
Мал уурулуктарга жол бербөө, коомдук тартипти көзөмөлдөө максатында чек ара тилкелеринде кыргыз-тажик милициясынын биргелешкен кайгуул кызматкерлери иштеп жатат.
Алар жыл башынан бери 4 жолу тажик-кыргыз араздашуусун алдын алган. Ошондой эле, кыргыз тарап эки жолу тажик аймагына кирген малын өткөрүп алган. Тажик тарап да бир ирет малын аларга өткөрүп берген.
