Жайыл РИИБдин Коомдук коопсуздук кызматынын кызматкерлери тарабынан Алексеевка айылынын жашоочусунан ок атуучу курал табылды. Бул тууралуу Чүй ОИИБдин басма сөз кызматы маалымдады.
Маалым болгондой, “Укуктук тартип” аталышындагы рейддик иш-чаралардын жүрүшүндө Жайыл РИИБдин Коомдук коопсуздук кызматынын кызматкерлери тарабынан Алекссевка айылынын жашоочусу, 1965-жылы туулган К.В. аттуу жарандын үйүнөн Улуу Ата Мекендик согуш маалындагы «Шпагиндин тапанча-пулемётуна» окшош ок атуучу курал табылган.
Аталган факты КЖБРге Кыргыз Республикасынын Жазык кодексинин 252-беренесинде (Ок атуучу куралды, ок-дарыларды мыйзамсыз жүгүртүү) көрсөтүлгөн кылмыш курамы боюнча катталды.
Азыркы учурда тергөө кызматы зарыл болгон экспертизаларды дайындап, сотко чейинки өндүрүш жүрүп жатат.
