Александр Крестинин Кыргызстандын футбол боюнча Улуттук курама командасынын башкы машыктыруучулугунан кетти.
Бул чечим Кыргыз футболдук союзу менен Александр Крестининдин өз ара чечими болгондугу айтылган, бирок себеби айтылган эмес.
Крестинин команданы 2014-жылдан баштап машыктырган. Ал көптөгөн сыйлыктардын жана «Кыргызстандын мыкты машыктыруучусу» сыйлыгынын ээси.
Жетишкендиктери:
• 2010-жыл – «Нефтчи» ФКнын башкы машыктыруучусу болуп дайындалып, клуб тарыхта биринчи жолу футбол боюнча КРнын чемпиону болгон.
• 2011 — «Нефтчи» ФК Суперкубоктун ээси
• 2014 — Кыргыз Республикасынын Улуттук курама командасынын башкы машыктыруучусу болуп дайындалган
• 2017-жыл – «Дордой» ФКнын башкы машыктыруучусу болуп дайындалган, андан кийин клуб Кыргыз Республикасынын төрт жолку чемпиону болгон (2018-жылдан 2021-жылга чейин)
• 2017, 2018 — «Дордой» ФК Кыргыз Республикасынын Кубогунун жеңүүчүсү
• 2018 — FIFA рейтинги 146-орундан 75-орунга чейин
• 2019 — Улуттук курама биринчи жолу Азия Кубогуна чыгып, 1/8 финалга чыкты
• 2019 – «Данакер» мамлекеттик сыйлыгы
• 2019, 2021 — «Дордой» ФК Кыргыз Республикасынын Суперкубогунун жеңүүчүсү
• 2022 — Азия кубогу-2023 экинчи жолдомо.
