Бүгүн, 5-апрелде Ош шаарынын мэри Бакытбек Жетигенов шаардык жарандарды тейлөө бюросунун ишмердүүлүгү менен таанышты. Анын алкагында тиешелүү кызматтардын жетекчилери менен бирге “Учар” кичи районундагы көрүстөндүн учурдагы абалын көрдү.
Бюронун жетекчисинин айтымында, жалпы аянты 50 гектарды түзгөн бул көрүстөнгө алгачкы жолу 1978-жылы сөөк коюлган. Учурда көрүстөндүн аймагы 95%га толуп, бир жылдын ичинде мында жай калбай калышы ыктымал.
Бул маселени чечүү үчүн Жетигенов тиешелүү кызматтарга көрүстөн уюштурууга кошумча жерлерди табуу боюнча карап чыгууну тапшырды.
