Мурдагы билим берүү жана илим министри Алмазбек Бейшеналиевдин иши сотко өттү
«Тергөө Алмазбек Бейшеналиевге «Опузалап пара талап кылуу» беренеси боюнча айып койгон. Бишкектин Биринчи Май райондук сотунда алдын ала соттук отурум жабык эшик артында өттү. Ачык режимдеги биринчи жолугушуу 18-апрелге пландаштырылган” — деп айтылат маалыматта.
Эске салсак, Алмазбек Бейшеналиев 2022-жылдын 28-сентябрында 110 миң доллар өлчөмүндө пара алып жаткан жеринен кармалган. Тергөөнүн версиясы боюнча, ал чет элдик студенттерди ата мекендик ЖОЖдорго киргизүү үчүн акча талап кылган. Кылмыш ишин тергөө учурунда мурдагы аткаминер өз ыктыяры менен келтирилген зыяндын ордун толтуруп, үй камагына чыгарылган.
