Ошто өз атасын бычактап өлтүргөн 26 жаштагы жаран кармалды. Бул тууралуу Ош ШИИБден билдиришти.
7-апрель күнү Кара-Суу районунун Папан айыл аймагынын тургуну атасы менен чырдаша кетип, көкүрөгүнө бычак менен эки ирет сайып жиберген. Шектүүнүн 1967-жылы туулган атасы окуя болгон жерде каза болгон. Уулу милицияга өзү кабар берген. Маркум ошол күнү баласынын убактылуу жашап турган үйүнө келген. Уулунун берген көрсөтмөсүнө караганда экөө теӊ мас абалында болушкан.
Аталган кылмыш ишинин алкагында экспертизалар дайындалып, тергөө иштери жүрүп жатат. 1997-жылы туулган шектүү мурда 2 жолу соттолгон. Ал Ош шаардык ички иштер башкармалыгынын убактылуу кармоочу жайына киргизилген.
