Жалал-Абад облустук милициясы каракчылыкка шектелген эки жаранды кармады.
Милицияга 2004-жылы туулган Сузак районунун тургуну арыз менен кайрылган. Анын арызында 20-мартта Жалал-Абад шаарынын «Айгүл» соода борборунун алдында өзүнө бейтааныш болгон эки бала бычак менен коркутуп, 40 миӊ сомдук «Айфон» үлгүсүндөгү телефонун тартып алганын билдирген.
Аталган кылмышка шектелип мурда соттолгон Сузак районунун 2002-жылкы тургуну жана Жалал-Абад шаарынын 2003-жылкы тургуну кармалып, убактылуу кармоочу жайга киргизилген.
Учурда тергөө амалдары жүрүп жатат.
