Баткен облусунун Лейлек районундагы Жети-Таш айылынын 11 жаштагы тургуну, жаш манасчы Касымбек Бердикулов үч ай бою Кыргызстанды кыдырып Манас айтып келди.
Президенттин Баткен облусундагы өкүлчүлүгүнөн билдиришкендей, бүгүн Касымбекти жана анын жакындарын, мугалимдерин Баткен облусунун башчысынын орун басары Жаныбек Исаков кабыл алып, ыйгарым укуктуу өкүлдүн белектерин тапшырды.
Ошондой эле Касымбектин мугалимине ыйгарым укуктуу өкүлдүн “Ыраазычылык каты” тапшырылып, ата-энесине алкыштар айтылды.
