Өзбекстандын президенти Шавкат Мирзиёев өлкө башчылыгына мөөнөтүнөн мурда шайлоо өткөрүлөрүн жарыялады. Тиешелүү жарлыкка президент кол койгонун Sputnik Өзбекстан жазды.
«Өзбекстандын президентин мөөнөтүнөн мурда шайлоо 2023-жылдын 9-июлуна дайындалды» — деп берилет маалыматта.
Мирзиёев буга чейин өлкө башчыга мөөнөтүнөн мурда президенттик шайлоо жарыялоого жол берген конституциялык мыйзамга кол койгон. Бул баш мыйзамга өзгөртүү киргизилгенден кийинки биринчи президенттик шайлоо болуп калмакчы. Анда өлкө башчынын ыйгарым укуктары 5 жылдан 7 жылга узартылган. Шавкат Мирзиёев өзү дагы шайлоого катыша алат.
