Жалал-Абадда №2104 шайлоо участкасында электрондук урна үзгүлтүккө учурады. Бул тууралуу Жалал-Абаддагы кабарчы билдирди.
Маалыматка ылайык, Жалал-Абад шаарындагы №2104 шайлоо тилкесинде электрондук урна үзгүлтүккө учурап, добуш берүүчүлөрдүн узун кезеги пайда болду. Анын себебин референдумдун бюлеттенин президенттик урнага салып алышканы менен түшүндүрүлүүдө. Жаралган мүчүлүштүк 15 мүнөткө созулду.
Белгилей кетсек, бул участок буга чейин Жалал-Абад шаарындагы автовокзалда жайгашкан болчу. Ал имарат суук аба-ырайына байланыштуу добуш берүү тилкеси Газпром спорт комплексине которулган эле.
