Бүгүн, 10-январда Ош шаарынын мэри Таалайбек Сарыбашев Төлөйкөн кичи районунда жайгашкан №5555 шайлоо участогуна саат 10: 00дө келип, президенттик шайлоого жана референдумга добуш берди.
Добуш берүүдөн кийин шаар башчысы журналисттерге берген интервьюсунда:
«Бул жолу Ош шаарынын чыныгы тургундары добуш берип жатышат. Жарандар активдүү катышат деп ишенем», — деди мэр.
Ал Октябрь окуясы парламенттик шайлоодогу мыйзам бузуулардан улам болгонун, бардык мыйзам бузуулар токтотулушу керектигин белгиледи.
«Мага журналисттерди айрым шайлоо участкаларына киргизбей жатышат деп айтышты, мен Ош БШКнын башчысы менен байланышып, мыйзам бузууларды четтетип, бардык журналисттерди шайлоо участкаларына киргизүүнү талап кылам. Мындан тышкары, айрым жерлерде шаймандар иштебей жатат», — деп түшүндүрдү Ош шаарынын мэри.
