Президенттикке талапкер Абдил Сегизбаев балдарына алимент төлөбөгөнү үчүн ага соттон чакыруу келген. Бул тууралуу кабар элге тез жетип, Казакстандын сотунан келген чакыруу кагазынын копиясы да тарап кеткен. Кээ бир социалдык баракчада активдүү отургандар бул тууралуу өзүнүн пикирин да жазууга жетишип калышты.

Алсак Мелисбек Саматов аттуу фейсбуктун активдүү колдонуучусу чакыруу кагазы менен кошо өз пикирин жазып чыкты:

“Балдарын бага албай, алиментин төлөбөй качып жүргөн Абдил Сегизбаев президент болуп, кыргыз элин кантип багам деп жатат? Ар кимди жамандап, элге сулуу чымчык болуп көрүнбөй, биринчи кезекте үй-бүлөсүн карап албайбы. Үй-бүлөсүнө жакшылык кылбаган, 6 млн кыргыз элине кантип жакшылык кылмак эле? Ошондуктан, сулуу сөздөргө алданбай, реалдуу иштей турган адамды тандап алалы”.

Ал эми бул чакырык кагаздын чын-бышыгын аныктап, Абдил мырза өзү үн катышын күтө туралы.

Булак: Argument.kg

(Текст өзгөртүүсүз берилди)