Афганистан Ислам Республикасынын Президенти Мохаммад Ашраф Гани Садыр Жапаровду Кыргызстандагы президенттик шайлоодогу жеңиши менен куттуктады. Бул тууралуу Ооганстан президентинин Instagramдагы расмий баракчасында айтылат.
«Афганистандын Президенти Садыр Жапаровдун Кыргызстандагы президенттик шайлоодо жеңишке жетиши менен чын жүрөктөн куттуктоолорун жана жакшы каалоолорун билдирет. Президент Гани Кыргызстандын жаңы Президентинин жетекчилиги астында эки өлкөнүн ортосундагы байланыштарды кеңейтүүгө жана кызматташтыкты чыңдоого үмүттөнөт», — деп айтылат билдирүүдө.
