Коронавируска каршы «Спутник V» вакцинасын 1,5 миллиондон ашык киши алды. Бул тууралуу маалыматты РИА Новости сайты жазып чыкты.
Маалыматка ылайык, Гамалея борборунун директору Александр Гинцбург 5-январда эле россиялыктардын бир миллиону аталган препарат менен эмделгенин билдирген.
Эч кимдин организминде вакцинага каршы реакция болгон эмес.
«Спутник V» — дүйнөдө биринчилерден болуп COVID-19га каршы Россиянын Гамалея атындагы Эпидемиология жана микробиология улуттук изилдөө борборунан иштелип чыккан вакцина. Препарат адамдын аденовирус векторунун мыкты изилденген платформасынын негизинде түзүлгөн.
Бул вакцина Россия, Беларусь, Сербия, Аргентина жана Боливия мамлекеттеринде жактырылган.
