Балыкчы шаарынын Абдрахманов көчөсүнүн жол четине өзгөчө чүкө формасындагы бордюрлар коюлду. Бул тууралуу президенттин Ысык-Көл облусундагы өкүлчүлүгүнөн билдиришти.
» “Агро Куш” ЖЧКсынын генералдык директору Аскат Абдрахманов демилгени колдоп, компаниянын атынан чүкөлөрдү жасатууга 1 млн сом өлчөмүндө акча каражатын бөлүп берген. Аталган суммага 500 даана чүкө жасалып, жол жээктерине коюлуп баштады. Алдыда шаардын башка көчөлөрүнө да коюу пландалып жатат. Аталган чүкөлөрдү айкелчи (скульптор) Данияр Абдиев “Жашылдандыруу чарбасы” муниципалдык ишканасында жасады»- деп берилет маалыматта.
