БШК Конституциянын жаңы долбооруна карата референдумду бекитери менен дароо парламенттик шайлоого даярдык көрө баштайт. Бул тууралуу БШКнын өкүлү Тынчтык Шайназаров билдирди.
Анын айтымында, Башкы мыйзамдын редакциясын кабыл алуу боюнча плебисцитти 11-апрелде, жергиликтүү шайлоо менен бирге өтөт.
«Элдик добуш берүүнүн жыйынтыктарын аларыбыз менен Жогорку Кеңештеги шайлоого даярдык көрө баштайбыз. Билишимче, өлкө 45 шайлоо округуна бөлүнөт. Шайлоого катыша турган партиялар жана өзүнүн талапкерлигин көрсөткөндөр азыртадан БШКга билдирүү жөнөтүшү керек, биз аларды карап чыгабыз», — дейт Шайназаров.
Ал регистрациянын датасы календардык план менен бекитилерин кошумчалады.
Буга чейин Садыр Жапаров парламенттик шайлоо май айында өтөрүн айткан.
