“Алтуха” каймана аты менен таанымал болгон кримавторитет Алтынбек Ибраимов үй камагына чыгарылды. Бул тууралуу коопсуздук органдарынын кызматкерлери маалымдашты.
Алардын айтымында, бүгүн, 16-январда Бишкек шаарынын Биринчи май райондук сотунун тергөө судьясы сот залынан уюшкан кылмыштуу топтун мүчөсү Алтынбек Ибраимовду үй камагына чыгаруу чечимин чыгарган.
Ал эки ай бою саат 22: 00дөн 06: 00гө чейин үйдөн чыкпашы керек.
Эске салсак, 13-январда УКМКнын кызматкерлери Бишкекте уюшкан кылмыштуу топтун мүчөсү Алтынбек Ибраимовду колго түшүрүшкөн.
