«8 жылдан бери жол кире көтөрүлө элек, булардын дагы көйгөйүн чечип беришим керек да», — дейт Бишкек шаарынын мэринин милдетин аткаруучу Балбак Түлөбаев журналисттердин суроосуна жооп берип жатып.
Анын айтымында, жол акысы май айынан тарта көтөрүлөт.
Андан соң журналисттердин, «1,5 миллион элдин нааразычылыгынан бир жарым миң айдоочунун талабы жогору турабы? Бул быйыл эле көтөрүлүп жаткан маселе эмес да, жыл сайын чилдеде көйгөй жаралып маршрутниктер иш ташташат. Эмки жылы 20 сомго котөрөлү десе анда да көтөрөсүзбү?, — деген суроолоруна, «Муниципиалдык кызматкерлерге мамлекет акча бөлүп берет, ал эми коомдук транспорттун айдоочуларына ким берет? 8 жылдан бери жол акысы көтөрүлө элек. Мен булардын дагы көйгөйүн чечип беришим керек да», — деп жооп узатты.
