Милдеттүү медициналык камсыздандыруу фонду COVID-19 илдетине каршы күрөшүүдө кызмат кылган медициналык кызматкерлер үчүн саламаттык сактоо уюмдарына 179 миллион 631 миң 800 сом өлчөмүндө компенсациялык төлөм каржылаган. Бул тууралуу Фонддун басма сөз кызматы билдирди.
Маалыматка ылайык, өткөн жылдын декабрь айында бул ишке 2 миң 192 дарыгер тартылып, компенсациялык төлөмдөрдүн суммасы 52 миллион 847 миң 585 сомду түзгөн. Тартылган орто персоналдардын саны 3 миң 949 адамды түздү, компенсациянын суммасы 72 миллион 413 миң 54 сомду түзгөн. Кенже жана башка кызматкерлерге 3 миң 552 адам тартылып, компенсациянын суммасы 54 миллион 371 миң 161 сомду түзгөн.
Компенсациялык төлөмдөр ММК фонду тарабынан ар бир саламаттыкты сактоо уюму жүргүзгөн эсептөөлөрдүн негизинде жүргүзүлөт.
