Бишкекте унаа сүзүп кетип каза болгон жаран кинорежиссер Михаил Дудников болгон. Бул тууралуу медиаэксперт Елена Баялинова соцтармактагы баракчасына жазып чыкты.
«Өзүнүн кинематографиялык ишинде ал ар дайым бир нерсени ойлоп таап, өзүн көрсөтүүнүн жаңы формаларын издеп жүрчү. Анын эл жана жаратылыш менен диалогдо өзүнүн ачык жарандык позициясы бар болчу», — деп жазган Баялинова.
Кинорежиссер Михаил Дудников «Взлет Калии Токтогуловой», «Урок на завтра», «Пришелец», «Кому сеять завтра?», «Экскурсия» жана башка даректүү тасмалары менен кино сүйүүчүлөрдүн эсинде калды.
Михаил Иванович Дудников сүрөттө оң жакта микрофон кармап турат.
