1-3-март күндөрү аба ырайы өзгөрүп, тоолуу райондордо, Ала-Бука-Каныш-Кыя, Красная Горка-Ак-Таш жолдорунда кар көчкү түшүшү мүмкүн. Бул тууралуу Кыргызгидромет борбору кабарлады.
Маалыматка ылайык, 2-мартта көпчүлүк аймактарда жаан-чачын болот.
Абанын температурасы:
- Чүй өрөөнүндө түнкүсүн -1…+4, күндүз 9…14,
- Таласта түнкүсүндө -2…+3, күндүз 7…12,
- Баткен, Ош, Жалал-Абад дубандарында түнкүсүн 1…6, күндүз 12…17,
- Ысык-Көл облусунда түнкүсүн 0…-5, күндүз 4…9,
- Нарын облусунда түнкүсүн -4…-9, күндүз 0…5,
- Бишкек шаарында жамгыр жаайт. Түнкүсүн 0…2, күндүз 11…13 градус болот.
Ал эми бийик тоолуу аймактарда түнкүсүн -19…-24, күндүз -1…-6° болот.
