Кечээ, 12-мартта кичи автобустун айдоочусу Милициянын кайгуул кызматынын кызматкерлери тарабынан сабалганын айтып чыккан.
Айдоочу аны кайгуул кызматкерлери жолдун четине кысып токтотууга аракет кылышканын, ал унаасын токтотконун, кызматкерлерге токтотууга негиз жок экенин айтканда алардын ортосунда чыр чыкканын, андан соң алар айдоочуну сабап салышканын айткан.
Милициянын кайгуул кызматы окуя боюнча үн катып, айыптоону четке какты. Алардын айтымында, кызматкерлер айдоочунун документтерин текшерүү үчүн токтоткондо, айдоочу баш ийбей унаасын айдап кете берген.
«Кичи автобус жолдо бараткан башка айдоочулар тарабынан токтотулган. Бирок ал кызматкерлерге баш ийген эмес, ошондуктан ал милиция бөлүмүнө жеткирилген. Аны эч ким сабаган эмес. Бул боюнча кызматтык иликтөө жүрөт»,- дешти алар.
