Жогорку Кеңештин депутаты Самат Ибраев VI чакырылыштын мөөнөтү бүткөндөн кийин «Ак үйгө» түз кирип-чыгууга уруксат берүү керектигин билдирди.
«Бүгүн, акыркы жыйын деп айтылып жатат. VI чакырылыштын акыркы жыйыны. Биздин Жогорку кеңештин имаратына биздин депутаттар абдан көп эмгек кылды. Мындайча айтканда өмүрүнүн бир бөлүгүн калтырып кетти. Ошондуктан биз токтом аркылуу Жогрку Кеңештин жыйынында кабыл алып койсок. Жаңы келген депутаттарга жардам беребиз, жаш муундун өсүшүнө дагы салым кошот деген ойдомун. Ошондуктан бул имаратка күбөлүгү менен кирип чыкканга уруксат бере турган токтом чыгарып койсок деп сунуштайт элем»,-деди ал жыйында.
Ал эми Аида Касымалиева депутаттар мөөнөтү бүткөндөн кийин мыйзам, регламент боюнча каралган жагдайлар менен кире аларын айтып, мындай сунуш ашыкча экенин белгиледи.
Белгилей кетсек, бүгүн аталган чакырылыштын депутаттарынын акыркы жыйыны өтүүдө.
