Айсулуу Тыныбекова дүйнөлүк рейтингде 1-орунду сактап калды. Жаңыланган рейтинг 28-марттан 3-апрелге чейин Будапештте (Венгрия) өткөн күрөш боюнча Европа чемпиондугунун жыйынтыгы боюнча түзүлдү.
62 килограммга чейинки салмакта болгариялык Тайбе Мустафа Юсеин Европа чемпиону болду. Бул жыйынтык ага Олимпиада чемпиону Юкако Кавайды жеңип, дүйнөлүк рейтингде 2-орунга көтөрүлүүгө мүмкүндүк берди.
Коло медалды украиналык Илона Прокопевнюк жеңип, 7-орунга көтөрүлдү. Азия чемпиондугу 19-24-апрель күндөрү Монголияда өтөт.
